14 ноябрь куни Франция шимоли-шарқида издан чиқиб, ҳалокатга учраган поездни бошқарган шахс ўша пайтда тезликни оширмагани ҳақида маълум қилди.

BFMTV телеканалида айтилишича, у поездни рухсат этилган тезликда ҳайдаган.

Бундан олдинроқ, рельсдан чиқиб кетган TGV поезди соатига 350 км тезликда ҳаракатлангани ҳақида хабар берилганди.

Прокуратура органлари бу маълумот поезднинг "қора қутиси" текширилганидан кейин тасдиқланиши ёки тасдиқланмаслигини билдиришган.

Эслатиб ўтамиз, 14 ноябрь куни Страсбург шаҳри яқинида поезд издан чиқиб кетиши натижасида 11 киши ҳалок бўлганди.