17 ноябрь куни Грецияда юз берган 6,1 балли зилзила туфайли 2 аёл ҳалок бўлган.

Афина ахборот агентлиги хабарига кўра, Ион денгизида жойлашган Лефкас оролида таъсири кучли сезилган зилзила туфайли 2 аёл ҳалок бўлиб, 4 киши жароҳатланган ҳолда шифохонага ётқизилган.

Қурбонлардан бири Понти Висилики қишлоғида истиқомат қилган. 60 ёшли бу аёл зилзила вақти ўз уйида бўлган ва қулаган уй остида қолиб ҳалок бўлган.

Шунингдек, маҳаллий ҳукумат Атани қишлоғидаги яна бир аёлнинг ўлимини тасдиқлашган.
Ушбу зилзила туфайли Лефкас ороли жануби-шарқидаги йўллар жиддий шикастланган.

17 ноябрь куни рўй берган зилзила ўчоғи Лефкас оролидан 25 км масофада (денгизда), 2 км чуқурликда жойлашган. Зилзиланинг қайталаниш вақтидаги тебраниш 5,2 балл кучга эга бўлган.