Буюк Британия бош вазири Дэвид Кэмерон исломни тинчлик дини сифатида кўришни таклиф қилаётган фаолларни қўллаб-қувватлашга чақирди. Бу ҳақда РИА Новости агентлиги хабар бермоқда.

“Албатта, экстремистик мафкура асл ислом эмас. Бу аниқдан аниқ. Лекин шунчаки ислом тинчлик дини дейиш, исломнинг экстремизм билан ҳар қандай алоқаларини рад қилиш етарли эмас. Нега? Чунки бу экстремистлар ўзларини мусулмон сифатида кўрмоқда. Тунисдан Париж кўчаларигача бу қотиллар ҳар қаерда ўзининг муайян динга тегишли эканлиги ҳақидаги ёлғон сўзларини такрорламоқда”, - деди Кэмерон.

Шу боис, унинг фикрича, исломга бошқача қарашни таклиф қилаётганларни ёқлаш лозим.
“Биз ғоялар жангида нейтралликни сақлашимиз керак эмас. Бизнинг қарашларимизга қўшилувчиларни қўллаб-қувватлашимиз, улар амалий молиявий ёрдам кўрсатишимиз, кампаниялар ўтказишимиз, уларни ҳимоя қилишимиз, уларнинг сиёсатдаги иштирокини таъминлашимиз керак”, - хулоса қилди Британия етакчиси.