Россия Ўрта Ер денгизидаги сув ости кемасидан ИШИД позицияларига “Калибр” қанотли ракеталари билан зарбалар берди, деб хабар бермоқда Россия Мудофаа вазирлигига яқин манбага иқтибос келтирган ҳолда РБК нашри.

Манбанинг маълумотларига кўра, зарбалар “Ростов-на-Дону” дизель-электр сув ости кемасидан берилган.

Аввалроқ Le Monde нашри Россия Ўрта Ер денгизидаги сув ости кемаларидан Раккадаги нишонларга қанотли ракеталар учирганини маълум қилганди. Нашр маълумотларига кўра, бу 17 ноябрда эрталаб содир бўлган.