Осиё тараққиёт банки томонидан молиялаштирилаётган, Ўзбекистоннинг Фарғона водийсида 2016-2018 йилларда каналларни реконструкция қилиш ва қуриш лойиҳасининг иккинчи босқичи доирасида Наманган килояти Янгиқўрғон туманидаги 27,5 километрлик Ён канали ва 14 километрлик Газнон каналлари тўлиқ реконструкция қилинади. Янгиқўрғон тумани ирригация тизимлари бошқармаси бошлиғи Комилжон Турдиевнинг айтишича, бугунги кунда 18 километрлик Ходикент канали реконструкция ишлари якунланди. Аввал бу каналнинг ўтказиш қобилияти бир сонияда 3 куб метр сувни ташкил қилган бўлса, эндиликда бу кўрсаткич бир сонияда 7 куб метрни ташкил қилмоқда. Бу суви кам бўлган Заркент, Ходикент, Гулшан, Зарбдор ва бошқа ҳудудларнинг сув таъминоти даражасини оширишга имкон беради.

Бу ичимлик суви билан нафақат аҳолини таъминлашга, балки туман иқтисодиётининг асосини ташкил қилган қишлоқ хўжалиги маҳсулотлари ҳосилдорлигини оширишга имкон беради.