Ўзбекистон меҳнат ва аҳолини ижтимоий муҳофаза қилиш вазири Азиз Абдухакимов Япониянинг JICA агентлиги ваколатхонаси раҳбари Фушими Кацитоши билан учрашди. Япон томонидан ўтказиш ташаббуси билдирилган учрашувда Ўзбекистон меҳнат ва аҳолини ижтимоий муҳофаза қилиш вазирлиги ва JICA ўртасидаги ҳамкорликнинг келгусидаги истиқболлари, шунингдек, “Мурувват” уй-интернатлари ходимлари учун семинарлар даврасини ташкил этиш муҳокама қилинди.

Суҳбат давомида Абдухакимов агентлик вакилларига вазирлик таркибига кирувчи тиббий-ижтимоий муассасалар, уларнинг мавқеи, ғамхўрлик кўрсатилувчилар контингенти, кўрсатилаётган ижтимоий ва тиббий хизматлар ҳақида сўзлаб берди. “Мурувват” уй-интернатлари ва “Саҳоват” пансионатларидаги ғамхўрликдаги одамларнинг ижтимоий ҳимояси мамлакат ҳукуматининг синчков эътиборида эканлиги таъкидлаб ўтилди.

Охирги йилларда бундай муассасаларда катта ҳажмдаги жорий ва капитал таъмирлаш амалга оширилди, баъзиларида зарурий асбоб-ускуналар билан жиҳозланган ва бундай муассасаларга қўйиладиган талаблар асосида қурилган янги корпуслар барпо этилди.

Кацитоши ўз навбатида Ўзбекистонда аҳолини, жумладан ногиронларни ижтимоий муҳофаза қилиш масалаларига катта эътибор кўрсатилаётганидан ҳайратда эканлигини айтди. Кацитоши семинар масалаларига тўхталаркан, агентлик семинарлар даврасини ўзтказишга қизиқиш билдириши ва вазирликнинг бу масалага қизиқиш билдириши вазиятида семинарларни ташкил қилишга тайёрлигини билдирди.

Абдухакимов вазирлик ҳамкорлик қилишга доимо тайёрлигини ва семинарда вазирлик тиббий-ижтимоий муассасалари ходимларининг иштироки учун тегишли ташкилотчиликни таъминлашини таъкидлаб ўтди.

Томонлар бу йўналишда суҳбатни давом эттиришга келишиб олдилар.