Россия авиакомпанияларига 47 мамлакатга уюштириладиган парвозлар чоғида хавфсизлик чораларини кучайтириш тавсия этилди. Булар орасида АҚШ ҳамда ЕИга аъзо айрим давлатлар бор. Бундай тавсиялар ҳақидаги маълумот “Интерфакс” агентлигига ўз манбалари орқали хабар қилинди.

Айтилишича, тавсиялар транзит, доимий ва чартер рейсларга дахлдордир. Жумладан, авиакомпаниялар ўз кучлари билан техник кўрикларни амалга ошириш таклиф қилинган.
Шунингдек, Россия аэропортларида бортга қабул қилинган озиқ-овқат ва ичимлик суви захираларига эга бўлиш тавсия этилди.