Мана уч йилдирки, СамДУ қошидаги биринчи академик лицейда расман ўқишга кира олмаган 42 нафар ўқувчи таҳсил олишда давом этмоқда. Улар дарсларга қатнайди, рейтинг дафтарига эга, имтиҳонларни топширади, улар аллақачон учинчи курсда таълим олмоқда.

Аслида эса уларни биринчи курсга қабул қилиш борасидаги буйруқнинг ўзи йўқ. Бу ҳақда маҳаллий журналист Тошпўлат Раҳматуллаев ёзмоқда.
Айтилишича, бу борада Ўзбекистон олий ва ўрта махсус таълим вазирлигининг қарори кўпдан буён кутилмоқда. Бу қарор ўқувчиларнинг тақдирини тубдан ўзгартириб юборишин мумкинлиги инобатга олинса, вазирлик қарор чиқаришга шошилмаётганини тушунса бўлади.

Улар уч йиллик меҳнатлари инобатга олиниб, тегишли қарорлар чиқишига, яқин келажакда улар ҳам олий ўқув юртларига ҳужжат топшира олишларига ишонмоқда, деб ёзади журналист.
Бу масала айни пайтда ёшларнинг ота-онасини ҳам ташвишга солмоқда.
Маълум бўлишича, шу йил ёзида лицейнинг собиқ директори Муҳиддин Абдураҳмоновга нисбатан жиноий иш қўзғатилган. У 42 ўқувчини ноқонуний асосда ушлаб тургани маълум бўлди. Лекин янги раҳбарият ҳам бу масалани болалар фойдасига ҳал қилишга журъат этмай турибди.