Суриядаги гуманитар операциялар учун маблағ тўплаш борасидаги донорлар конференцияси 4 февраль куни Лондонда бўлиб ўтади. Бу ҳақда БМТ бош котибининг расмий вакили Стефан Дюжарик баёнот берди.

“Бирлашган Қироллик, Германия, Норвегия, Қувайт ва БМТ 4 февраль куни Лондонда бўлиб ўтадиган донорлар конференцияси анонсини эълон қилади”, - деди у.
Унинг сўзларига қараганда, конференциядан кўзланган асосий мақсад Сурия инқирози туфайли қийин аҳволда қолган барча инсонларга ёрдам кўрсатишга етарли миқдорда маблағ тўплашдир.

Дюжарикнинг хабар беришича, БМТнинг гуманитар агентликлари минтақада ёрдам дастурини амалга оширишда маблағ етишмаслиги билан тўқнаш келишди.
“Жорий йилда сўралган 8.4 млрд доллардан 3.4 млрд доллар олинди”, - таъкидлади у.