"Карлайл Юнайтед" Англия шимоли-ғарбидаги жамоа. Бу жамоа Камбрия графлигида мавжуд бўлган ягона профессионал клуб ҳисобланади. Камбрияликларда шу вақтгача тўртинчи дивизионда футбол жамоалари борлиги билан фахрланиб юришарди. Энди уларда фахрланиш учун арзигулик бошқа сабаб пайдо бўлди.

14-15 ноябрь кунларида графликда жуда қаттиқ жала қуйди. 2 кун ичида бутун ойга етгулик ёмғир ёғди. Натижада бу ёмғирлар туфайли "Карлайл Юнайтед"нинг уй стадиони бўлмиш "Брантон Парк" сувга тўлди. Шундай тасаввурлар ҳосил бўлдики, яқин вақтлар ичида "уммонга айланган" бу стадионда ғаввослар кийимисиз ҳаракатланиш мумкин эмасдек эди.

Лекин сувга тўлган бу стадион бир кун ичида навбатдаги ўйинга тайёр ҳолга келтирилди.
Бунга жамоа ходимларининг барчаси ва замонавий техникалар шу ишга сафарбар қилиниши орқали эришилган.

 

Жамоанинг расмий твиттерида бу жараён батафсил ёритиб борилган.

"Карлайл Юнайтед" жамоаси ёшлари 17 ноябрь куни Англия лигаси кубоги доирасида "Донкастер"га қарши ўйинни айнан шу майдонда ўтказди ва ғалаба қозонди.