АҚШ армияси ИШИД жангариларига қарши курашда курд кўнгиллиларининг қуролланган қўшилмалари билан ҳамкорлик қилишда давом этади. Бу ҳақда Оқ Уй томонидан тарқатилган хабарномада айтилди.

Бундай хулоса АҚШ президенти ўринбосари Жо Байденнинг Ироқ Курдистони етакчиси Масъуд Барзоний билан телефон мулоқотидан сўнг берилди.

“Улар операция ИШИДга ўтказиладиган босимни ошириш бўйича қўшма кампаниянинг давоми бўлишини қайд қилиб ўтишди”, - таъкидланди хабарномада.