Буюк Британия бирлашган қироллиги Россияга янги элчисини жўнатади. Бу ҳақда қироллик Ташқи ишлар вазирлигининг расмий сайтида хабар қилинган.

"Доктор Лори Бристоу ҳазрати олияларининг (Елизавета Иккинчи - кун.уз изоҳи) Россия Федерациясидаги янги элчиси деб тайинланди. Шу вақтгача Британиянинг Москвадаги элчиси сифатида фаолият кўрсатган сэр Тим Барроу эса бошқа дипломатик вазифани бажаришга киришган. Доктор Бристоу ўзининг янги лавозимида 2016 йилнинг 1 январидан ишлай бошлайди", дейилади хабарда.

Лори Бристоу бу вақтгача Буюк Британия ТИВнинг миллий хавфсизлик бўлими раҳбари сифатида ишлаб келаётганди.