ФИФА Апелляция қўмитаси ташкилот президенти Йозеф Блаттер ва УЕФА президенти Мишел Платинига нисбатан белгиланган жазо муддати бўйича берилган шикоятларни рад этди, дея хабар берилади ФИФА пресс-релизида.

Иккала мансабдор ҳам белгиланган жазо муддати – 90 кунлик футболдаги фаолиятидан четлатилиш жазосини ўзгаришсиз ўтайдиган бўлишди.

Эндиликда Блаттер ва Платини ФИФАнинг бу қароридан норози бўлишса, Лозаннадаги Спорт арбитраж судига мурожаат қилишлари мумкин бўлади.

Эслатиб ўтамиз, Блаттер ва Платини декларация тўлдирмаган ҳолда, оғзаки келишувга асосан 2 миллион швейцария франки миқдорида маблағни Платини ҳисобига ўтказиб беришда айбланиб, юқорида қайд этилган жазога тортилганди.