Франция Мудофаа вазири Жан-Ив Ле Дриан самолётлар Суриянинг Раққа шаҳридаги ИШИД объектларига қарата янги авиазарбалар туркумини йўллаганини маълум қилди, дея хабар бермоқда BFMTV телеканали.

Вазир сўзларига кўра, ҳарбий амалиётда 10 дона қирувчи самолёт иштирок этди. Унинг қайд этишича, яқин кунларда ИШИД бўйлаб зарбалар бериш миқдори янада ортади.

Вазирнинг қўшимча қилишича, 18 ноябрь куни “Шарль де Голль” француз авиаташувчиси Ўрта Ер денгизи шарқига йўл олиб, Раққа ва Дайр-аз-Заур каби шаҳарлар атрофидаги алоҳида марраларга зарбалар йўналтиради.