ИШИД жангарилари ижтимоий тармоқлардан биридаги ўз тарғибот материалларида биринчи марта яҳудий тилидан фойдаланишди. Хусусан, Исроил мактаблари ўқувчилари ҳамда уларнинг ота-оналарига таҳдид солинган матн парчаси араб тилидаги муқобили билан бир қаторда чоп этилди.

Илгари ИШИД ўзининг расмий баёнотларини араб, инглиз, француз, немис, турк, курд, индонезия, босния, рус, бангол, урду тилларида эълон қилган эди. Бундан ташқари, ҳинд ва албан тилларидаги хабарлар ҳам маълум.