"Барселона" клуби ҳужумчиси Лионель Месси Мадриднинг "Реал" жамоасига қарши кечадиган "Эл класико" баҳсида майдонга тушади ва аdidas фирмасининг янги бутсасини реклама қилади. Бу ҳақида adidas компаниясига асосланиб, Sport нашри хабар тарқатган.

Айнан шу ўйинда Месси машҳур Германия аdidas корхонасининг Messi15 номли бутсасида майдонга тушади.

Хабарда айтилишича, сўнгги машғулотлар шуни кўрсатадики, аргентиналик футболчи жароҳатидан тўла фориғ бўлган.

Эслатиб ўтамиз, Месси сентябрь ойида, Испания чемпионатининг 6-турида "Лас-Пальмас"га қарши ўйинда жароҳат олган ва 2 ойга сафдан чиққанди.

Ла лиганинг 12-тури доирасидаги "Эл класико" баҳси 21 ноябрь куни "Реал" майдонида бўлиб ўтади.