Исроил бош вазири Биньямин Нетаньяху Исроил ва Россия ҳарбийлари можароли вазиятлардан қочиш мақсадида Суриядаги ҳаракатларини мувофиқликда олиб бораётгани тўғрисидаги хабарларни тасдиқлади.

Координация механизми сифатида Суриядаги Россия авиабазаси ва Исроил ҲҲК бошқарув штаби ўртасида бевосита алоқа тармоғи ўрнатилгани айтиб ўтилди. Ушбу ҳамкорлик Нетаньяхунинг Москвага уюштирган ташрифи вақтида тасдиқланган ҳамда ҳар икки мамлакат бош штаблари ўртасида маслаҳатлашувлар натижаси бўйича аниқлаштириб олинган эди.

“Бизларга учувчиларимизнинг бир-бирига халал бермаслиги кафолатланиши керак, шунинг учун можаролардан қочиш механизми ишлаб чиқилди”, - деди Нетаньяху Қуддусдаги конференцияда.