Нью-йорклик экстрасенс ўз мижозининг севгилисига қайта жон бағишлашга ваъда бериб, унинг 550 минг долларини ўзлаштиргани сабабли фирибгарликда айбдор деб топилди, дея ёзмоқда The New York Times газетаси.

Нашр хабарига кўра, 26 ёшли Присилла Келли Дельмаро тергов жараёнида ўз айбига иқрор бўлди. Айни пайтда у шартли равишда тўрт йил муддатга озодликдан маҳрум қилинди. 33 ёши мижози Найл Райснинг судда кўрсатма беришича, экстрасенс ҳузурига биринчи марта 2013 йилда борган. Фирибгар қабул қилаётган наркотик моддаси меъёрини ошириб юборгани сабабли оламдан ўтган севгилисини ҳаётга қайтара олишига Райсни ишонтирган. Биринчи учрашувдан сўнг жабрланувчи экстрасенсга мунтазам равишда йирик миқдорда пул тўлаб турган. Ҳаттоки бир марта 40 минг долларга Tiffany узугини сотиб олиб берган.

“Ҳаётимнинг оғир вақтлари эди. Яқин кишингиздан айрилиб қолсангиз, нима қилардингиз? Кимлардин аҳмоқлик дейиши мумкин, бироқ сиз муайян муаммони бошдан ўтказгандан сўнг яраланган кишисиз, шунда одамларга ишонгингиз келади”, - деди Райс газетага берган интервьюсида.