БМТ Бош котиби Пан Ги Муннинг Шимолий Корея пойтахти Пхеньянга ташрифи 23 ноябрь куни юз беради. У бу мамлакатга илк сафарини бир неча кун давом эттиради. Бу ҳақда "Синьхуа" ахборот агентлиги хабар тарқатган.

Шимолий Корея ТИВ раҳбари Ли Хун Сик эса бу маълумот ҳақида ҳеч нарса билмаслигини айтиб ўтган.

Бироз олдинроқ, шу ҳафтада Пан Ги Мун Шимолий Кореяга сафар уюштириши ҳақида хабар қилинганди.

Ушбу ташриф Жанубий Корея ва КХДР ўртасидаги зиддиятни яхшилашга ва Шимолий Корея ядро дастури билан боғлиқ хавфли вазиятни ҳал этишда ёрдам бериши кутилаётгани айтилган.