Ўзбекистонда 2015 йилнинг 9 ой ичида 1,03 трлн сўмдан кўпроқ маблағга умумий фойдаланиш йўлларини қуриш, капитал ва жорий таъмирлаш ҳамда фойдаланиш бўйича ишлар амалга оширилди. Сарфланган маблағ 2014 йилнинг шу даврига нисбатан 32,4 фоиз кўпроқни ташкил қилган.

2015 йил учун мўлжалланган инвестицион дастурлар бўйича 141,6 км автомобиль йўлларини қуриш ва реконструкция қилиш белгиланган. Шартномалар ва тасдиқланган режа бўйича 9 ой ичида 375,6 млрд сўмлик ишлар амалга оширилган ва 93,7 км йўл реконструкция қилинган.  

“Ўзавтойўл” компанияси корхоналари томонидан халқаро ва давлат аҳамиятидаги умумий фойдаланиш автомобиль йўллари ҳамда шаҳар кўчаларида 135,6 млрд сўмлик капитал таъмирлаш ишлари олиб борилди, 63,3 км йўл таъмирланди.  

Ўзбекистон миллий автомагистрали таркибига қирувчи 42654 км автомобиль йўлларини жорий таъмирлаш ва эксплуатацияси бўйича узлуксиз ишлар олиб борилди. 9 ой натижаларига кўра бу йўналишда 431,7 млрд сўм сарфланган.