Парижда ўтказилган аксилтеррор амалиёти натижасида Париж терактларига алоқадорлиги гумон қилинган 3 киши қўлга олинган. Бу ҳақда BFM хабар тарқатди.

Бироз олдинроқ, Сен-Дени туманида ўтказилган аксилтеррор амалиёти вақтида отишма содир бўлгани хабар қилинганди.

Отишма вақтида 1 киши ҳалок бўлгани айтилган.

Эслатиб ўтамиз, 13 ноябрь оқшомида Парижда содир этилган давомли терактлар туфайли 129 киши ҳалок бўлган, 352 киши жароҳатланган. Шифохонадагиларнинг 99 нафари оғир аҳволда қолмоқда.