2016 йилнинг биринчи ойида Янги йил ва православ Рождествоси нишонланиши муносабати билан қозоғистонликлар 13 кун дам олишади. Қозоғистонда Янги йил расман 1-2 январда нишонланади, бироқ 2 январь шанбага тўғри келиши сабабли 4 январь ҳам дам олиш куни бўлади. Қозоғистонда Рождество 7 январда нишонланади, бунга яна январдаги 5 та шанба ва якшанба дам олиш кунлари қўшилса, 13 кун бўлади.

Қозоғистонда қишнинг охирги ойи, яъни февралда апрель, июнь, октябрь ва ноябрдаги каби давлат байрамлари йўқ, шунинг учун ишчилар фақатгина шанба ва якшанба кунлари дам оладилар, бундай кунларнинг сони ушбу 5 ой ичида 43 кунни ташкил қилади.

Март ойида фақатгина 4 та шанба ва якшанба бор, бироқ бу ой байрамларга бой: 8 март ва 21-23 мартларда нишонланадиган Наврўз байрами. Шу тариқа март ойида аҳоли 12 кун дам олади.

2016 йилда 1 майда нишонланадиган Қозоғистон халқи бирдамлиги байрами якшанбага тўғри келмоқда, шунинг учун 2 май ҳам дам олиш куни бўлади. Ватан ҳимоячилари куни – 7 май байрами шанбага тўғри келади, шунинг учун дам олиш куни душанбага кўчирилади. Бироқ бу кун, яъни 9 май Ғалаба куни бўлгани сабабли, бу “бонус” дам олиш куни 10 майга кўчирилади.

Июлда қозоғистонликлар 11 кун дам олишади, улардан 10 куни шанба ва якшанба кунларига ва бир кун 6 июлда нишонланадиган Пойтахт кунига тўғри келади.

Августда 4 тадан шанба ва якшанба бўлиб, 30 август эса мамлакатда Конституция куни сифатида нишонланади. Шу тариқа бу ойда 9 та дам олиш куни бўлади.

13 сентябрда Қурбон ҳайит нишонланади, бунга яна 8 та шанба ва якшанба кунлари қўшилса, бу ойда ҳам 9 та дам олиш куни бўлади.

2016 йилнинг декабрида 9 та шанба ва якшанба кунлари ҳамда 1 декабрда Биринчи президент куни, 16-17 декабрда Мустақиллик кунларида дам олинади. 17 декабрь шанбага тўғри келгани учун бу дам олиш куни 19 декабрга кўчирилади.