Россия бош штаби генерал-полковниги Андрей Картаполовнинг маълум қилишича, кейинги бир неча кун ичида Россия Ҳарбий коинот кучлари самолётлари Суриядан Ироққа ИШИДнинг ноқонуний нефть маҳсулотларини ташиётган 500га яқин транспортини йўқ қилган.

"Кейинги йилларда ИШИД ва бошқа экстремистик ташкилотлар нефтга бой ҳудудларга ўрнашиб олишди ва "ғилдиракли нефть қувурлари" фаолиятини йўлга қўйишди", дейди у.

Унинг сўзларига кўра, юзлаб нефть ташувчи автомобиллари тонналаб нефтни Ироққа қайта ишланиши учун ташишмоқда. Генерал нефть сотишдан келадиган маблағлар ИШИДнинг асосий даромади эканини қайд этиб ўтган.

"Кейинги кунлар давомида бизнинг авиациямиз 500га яқин шундай воситаларни йўқ қилди", дея маълум қилган Картопалов.