А321 бортида теракт амалга оширилгани тасдиқланганига қарамай, Россия Сурияда ўтказилаётган ҳарбий кампания муддатларини ва режаларини ўзгартирмайди. Бу ҳақда Кремлнинг расмий вакили Дмитрий Песков баёнот берди.

“Ҳеч қандай ўзгариш йўқ. Гап шундаки, Сурия армиясининг ҳужумкор ҳаракатлари давом этмоқда, шу боис ИШИДга қарши кураш самарадорлиги фақатгина ҳаводан таъминлана олмайди, асосий йўналиш берувчи қуруқлик операцияси ҳам бўлиши лозим.

Бу ҳолатда қуруқлик операциясини амалга ошираётган ягона куч САР армиясидир”, - унинг сўзларини келтиради РИА Новости.
Песковнинг сўзларига кўра, Россиянинг авиацион мадади Суриянинг ИШИДга қарши ҳужумларига мувофиқлаштирилади.