20 ноябрдан Ўзбекистонда “Ёнғин хавфсизлиги ойлиги” старт олади. Бу ҳақда Тошкент шаҳар ҳокимиятида ёнғин хавфсизлиги мутахассислари иштирокида ўтказилган матбуот анжуманида айтилди.

Тошкент шаҳар ИИБ Ёнғин хавфсизлиги бошқармаси бош мутахассиси Мурод Қўчқоровнинг айтишича, сўнгги 10 ойда республика бўйича 1 474 ёнғин юзага келган бўлиб, унда 17 киши ҳалок бўлган, яна 24 киши азият чеккан. 20 киши қутқариб қолиниб, 20 млрд сўмдан ортиқ моддий-товар бойликлари сақлаб қолинган.

“Шаҳар, туман ва аҳоли яшаш жойларида ҳамда республика объектларида ёнғин хавфсизлигини кучайтириш мақсадида Давлат ёнғин назорати томонидан 4980та объект ёнғин-техник текширувдан ўтказилди, - таъкидлади у. – Текширувлар давомида ёнғин хавфсизлиги бўйича 96 мингдан ортиқ қоидабузарликлар аниқланиб, шулардан 74 фоизи бартараф этилди”.