“Давлат Қирғизистон фуқаролари хавфсизлигини таъминлашга мажбур ва бу ишни қилади ҳам”, — деди Қирғизистон президенти Алмазбек Атамбаев мамлакат мудофаа кенгаши котиби Темир Жумакадиров билан бўлиб ўтган учрашувда. Бу ҳақда Қирғизистон Республикаси давлат аппарати ахборот бўлими хабар бермоқда.

Манбанинг маълум қилишича, котиб билан учрашув пайтида ҳуқуқни муҳофаза қилиш органлари ва хавфсизлик идоралари томонидан мамлакатда миллий чегаралар ҳамда стратегик объектларни ҳимоя қилишни мустаҳкамлаш борасида қабул қилинган чора-тадбирлар ҳақида гапириб ўтилган.

Қирғизистон раҳбарининг таъкидлашича, мамлакатда терроризмнинг олдини олиш борасида етарли чора-тадбирлар кўрилмоқда ва бу хатти-ҳаракатлар бундан кейин ҳам давом этади.