Туркия президенти Ражаб Тойиб Эрдўған Сурияда ўтажак сайловларда мамлакатнинг барча фуқаролари, шу жумладан, қочқинлар ҳам иштирок этиши зарурлигини таъкидлаб ўтди. Бу ҳақда у ATV телеканалига берган интервьюсида айтиб ўтди.

“Венадаги музокаралар шунга олиб келди. У ерда сурияликлар овоз бериши зарурлиги ҳамда сайловда Башар Асаднинг иштирок этмаслиги борасида келишувга эришилди. Биз барча сурияликлар, шу жумладан, мамлакатдан ташқаридагилари ҳам овозларини бера олишини истаймиз. Биз асосан Туркия, Ливан ва Иорданиядаги қочқинлар ҳақида гапирмоқдамиз”, - деди Эрдўған.

Туркиянинг АҚШ билан ҳамкорликда ИШИДга қарши амалиётлар ўтказиши мумкинлигин ҳақидаги саволга жавоб бераркан, Эрдўған таклиф ҳамон кучда қолаётганини таъкидлаб ўтди.
“ИШИД мамлакатимиз учун таҳдиддир. Кун тартибида коалиция билан қўшилиб гуруҳга қарши ҳарбий амалиётлар ўтказиш масаласи турибди”, - маълум қилди Туркия етакчиси.