Игнатий Нестеров оиласида уч қиздан сўнг ўғил фарзанд туғилди

Спорт 19 Ноябрь 2015 1940

Тошкентнинг «Локомотив» футбол клуби ва Ўзбекистон миллий терма жамоаси дарвозабони Игнатий Нестеров оиласида 18 ноябрь куни ўғил фарзанд дунёга келди. Бу ҳақда «Локомотив» клуби матбуот хизмати хабар берди.

«Бугун Игнатий Нестеров хонадонида уч нафар қиздан кейин ўғил фарзанд дунёга келди. Табриклаймиз! Чақалоқни умри узоқ бўлсин», — дейилади клубнинг Twitter’даги расмий саҳифасида.

Қайд этиш жоиз, Игнатий Нестеров Ўзбекистон миллий терма жамоасининг Яманга қарши ўйинида захирада қолдирилган эди.

Маълумот учун, у миллий терма жамоа таркибида 92 марта майдонга тушган ва терма жамоа учун ўйин ўтказиш кўрсаткичи бўйича Темур Кападзе ва Сервер Жепаровдан сўнг учинчи ўринда туради.

Кўпроқ янгиликлар