Нью-Йорк штати пухта текширувлардан сўнг, суриялик қочқинларни қабул қилишга тайёр эканлигини билдирди. Бу ҳақда мегаполис мэри Билл де Блазио Манхэттенда ўтган матбуот анжуманида хабар берган.

Унинг сўзларига кўра, “шаҳар бугунги кун инсоният вакилларининг гуманитар фожиаси жабрдийдаларини қўллаб-қувватлашга тайёр”. Унинг таъкидлашича, Суриядан келадиган барча муҳожир ва қочқинлар қаттиқ текширувдан ўтказилади. "Барчаси хавфсиз бўлиши учун зарур бўлган чора-тадбирларни амалга ошириш керак бўлади. Бунинг учун эса вақт лозим, — деди у. — Биз ўта эхтиёткорлик билан ҳаракат қиламиз”.

Блазионинг қарори бутун мамлакат бўйлаб шов-шув бўлиб кетди. Уни Яқин Шарқдан келаётганларни ўз ҳудудига қўймасликка чақиришди. Хусусан қўшни Нью-Жерси штати губернатори республикачи Крис Кристи бу борада кўп бора ўз фикрни билдириб ўтган.