Остонада томида тоғ-чанғи трассаси бўлган турар жой биноси қурилиши мумкин, деб хабар бермоқда Krisha нашри.

Манба маълумотларига кўра, қозоғистонлик архитекторлар томонидан ишлаб чиқилган лойиҳа қурилиши ҳали тасдиқланмаган, бироқ уни қуриш учун жой танлаб бўлинди.

Маълум қилинишича, слалом узунлиги 326 метрни, эни 27 метрни ташкил қилади. Трасса сирти сунъий қор билан қопланади, қиялиги эса бино қаватларининг баландлиги ҳисобига ҳосил этилади. Ушбу тоғ-чанғи трассаси йил бўйи ишлаши айтилмоқда.