“Шуни маълум қилиш керакки, Ўш вилоятида содир бўлган зилзиланинг зарар келтирган кўлами жуда кенг”, — деди Қирғизистон Республикаси бош вазири Темир Сариев.

“Бугун биз зарар кўрган аҳоли яшаш пунктларини бориб кўрдик. Мисол учун, Қизилсув қишлоғида бўлинганда, у ерда 152 та уй вайрон бўлган экан. Шулардан 10 таси яшаш учун яроқсиз ҳолга келган. Олой туманида ҳам худди шундай манзарани учратиш мумкин”, — деб маълум қилди Темир Сариев.

Ўш вилояти мутахассислари 3 381 та бинода олиб борган текширувлари натижасида 897 та бино биринчи даражали, 1401 та бино иккинчи даражали, 856 та бино учинчи даражали, 227 та бино тўртинчи даражали ва яна 115 объект турли даражали зарар кўрганлиги маълум бўлди.