Россия Ташқи ишлар вазири ўринбосари Олег Сиромолотовнинг маълум қилишича, Суриядаги жангларда шу вақтгача Россиядан келган 160 нафар ИШИД жангариси ўлдирилган.

"Айни вақтда ИШИД байроғи остида 25 минг нафардан ортиқ хориждан ёлланган жангарилар тўпланган. Уларнинг орасида Араб давлатлари, Европа, Россия ва МДҲдан келганлар кўпчиликни ташкил қилади. Биздаги маълумотларга кўра, Россиядан 2719 нафар россиялик ИШИД сафига бориб қўшилган ва шу вақтгача уларнинг 160 нафари ҳалок бўлган, 73 нафари ватанга қайтиб, судга тортилган. Таслим бўлганларнинг 36 нафари ҳибс қилинган", дейди Сиромолотов.

Қайд этиш керакки, ОАВда бу борада турли маълумотлар айтилади. Бироз олдинроқ, Владимир Путин ИШИД сафида Россия ва МДҲ мамлакатлари вакиллари бўлган 7 мингдан ортиқ жангари мавжудлигини айтганди.