Кемеровский вилояти раҳбари Аман Тулеев ҳукумат минтақада қазиб олинадиган кўмир ёрдамида семизликка қарши кураш олиб боришни режалаштираётганини маълум қилди, дея хабар бермоқда FlashSiberia.

Губернатор озаётган фуқароларга йўқотилган ҳар бир килограмм вазн учун бир граммдан олтин мукофот сифатида берилиши борасидаги БАА ҳукумати дастурини эсга олиб ўтди.

“Ортиқча вазнга қарши кураш доирасида биз БАА услубида мукофот берамиз. У ерда озган одамларга олтин билан тўлашган. Биз ҳам тўлай оламиз. Фақат олтин тангалар билан эмас, кўмир билан, тонналар кўмир билан тўлаймиз”, - деди Тулеев.

2015 йилда ҳудуд ҳукумати аҳолига 5 минг дона велосипед ва скандинавча юриш учун таёқчалар тарқатган эди, дея ойдинлик киритди Тулеев.