Босния ва Герцоговиня пойтахти Сараево шаҳри яқинида 2 аскарни отган жангари аксилтеррор амалиёти вақтида ҳалок бўлган.

N1 телеканали маълумотига кўра, мамлакат хавфсизлик хизмати раҳбари Драган Мектич ушбу жангари ўз жонига қасд қилганини тасдиқлаган. Босния ва Герцоговиня ИИВ раҳбари Драган Лукач эса бу ҳодиса бўйича текширувлар давом эттирилиши, уни теракт деб аташга ҳали эрта экани ҳақида айтган.

Бироз олдинроқ, ҳукумат бу воқеа муносабати билан шошилинч йиғилиш ўтказгани ҳақида маълумот берилганди. Воқеа рўй берган ҳудуд ўраб олинган.

Автомат билан қуролланган шахс ҳужуми натижасида Босния ва Герцоговина армиясининг 2 нафар аскари ҳалок бўлган. Номаълум шахс Сараево яқинидаги клубда ўт очган ва 2 аскарни ўлдирган, яқин атрофдаги автобусни ўққа тутиши туфайли эса яна бир аскар жароҳатланган.