Нефть ва табиий газ нархларининг жаҳон миқёсида тушиб кетиши Туркманистон раҳбариятини ишлаб чиқариш самарадорлигини ошириш ҳамда ёқилғи-энергетика хом ашё ре сурсларидан бошқа соҳаларга ҳам эътибор қаратишга мажбур қилмоқда.

Ўн йиллар мобайнида мамлакат углеводород ресурслари захиралари бўйича жаҳонда тўртинчи ўринда турувчи ўлка сифатида бундан унумли фойдаланиб келди. Аммо 2014 йилдан нархлар ва талабнинг тушиши даромадга шу қадар таъсир ўтказдики, ҳукумат ёқилғи-энергетика комплексини диверсификация қилиш қадамларини ташлашга мажбур бўлмоқда.

Соҳа вакили Аширберди Бобоевнинг сўзларига қараганда, эндиликда мамлакат углеводорд хом ашёсини эмас, балки уни қайта ишлаш натижасида олинган маҳсулотни қимматроқ нархларда экспорт қилишга қараб иқтисодий истиқболлари ва устувор йўналишларини ўзгартирмоқда. Бунинг учун яқин орада янги корхоналар яратилади, шунингдек, мавжудлари модернизация қилинади.

“Туркманистон” газетасининг ёзишича, бу мақсадларга давлат раҳбарининг қарорига мувофиқ 20 млрд доллар йўналтирилди. Ҳукумат иш олиб бориладиган икки асосий йўналишни белгилаб берди – углеводород ресурслари экспортини диверсификация қилиш ҳамда мамлакат ичида қайта ишлаш соҳаларини диверсификация қилиш.