Қирғизистондаги қарийб барча мактабларда пул маблағлари йиғилади. Бу ҳақда ўқувчиларнинг ота-оналаридан пул маблағлари олиниши муҳокама қилинган давра суҳбатида сўз борди.

Монополияга қарши назорат давлат агентлиги вакилининг сўзларига кўра, тозалаш, таъмирлаш, дарсликлар сотиб олиш, дераза пардалари, мебель, компьютер, интернет, ишчи дафтарлари, экскурсия, кино, шунингдек, ўқитувчи, синф раҳбарлари учун совғалар ва бошқалар учун пул маблағлари йиғилади.

“Табиийки, мазкур йиғимларнинг қонунийлиги борасидаги савол туғилади. Қирғизистон қонунчилигида ўрта мактаблар маъмуриятларига мактаб эҳтиёжлари учун ўқувчиларнинг ота-оналарининг пул маблағларидан фойдаланишни тақиқламайди. Бироқ ота-оналар тўловларни кўнгилли равишда амалга оширишлари лозим. Бунда кўпчилик ҳолатларда йиғимлар мажбурий тарзда уюштирилмоқда”, - деди антимонополчи.

Маҳкама директори Болсунбек Казаковнинг қайд этишича, ўқув йили бошланиши билан ота-оналардан шу мазмунда кўплаб саволлар келиб туша бошлайди. “Биз – барча ота-оналарда мактаб фонди бўйича кўплаб саволлар бор: улар қандай қилиб пул маблағларини йиғади ва қаерга, қандай сарфлашади”, - деган саволни ўртага ташлади у.