АҚШ вакиллар палатаси суриялик ва ироқлик муҳожирларнинг АҚШга киришини чекловчи қонун лойиҳасини маъқуллади, деб хабар берди Reuters ахборот агентлиги.

Қонун лойиҳасига 289 нафар конгрессмен овоз берди, 137 нафари қарши чиқди.

Аввалроқ Парижда содир этилган терактларга қарамасдан, АҚШ президенти Барак Обама суриялик муҳожирларнинг АҚШга кўчиб ўтишига имкон берувчи ўз режасини қайта кўриб чиқишни режалаштирмаётгани маълум қилинганди.

АҚШлик республикачилар муҳожирлар борасида қатъий фикр билдирмоқдалар. Алабама штатидан бўлган губернатор-республикачи Роберт Бентли Париждаги терактлардан кейин суриялик муҳожирларни қабул қилмаслигини айтди.