Римдаги Колизей яқинида унга кириш учун темир қидирув қурилмаси ўрнатилади, деб хабар бермоқда ТАСС, музей матбуот котиби маълумотига асосланиб.

“Рим археология ва маданий мерос қўриқлаш бошқармаси Париждаги терактлар сабаб шундай чора қўллади”, — деди матбуот котиби бошлиғи Кристиано Бругитта.

Маълум қилишларича, ушбу қурилма Колизей деворлари яқинида ўрнатилади. Сайёҳларни у ерга қабул қилиш жараёни қандай кечишлиги ҳақида аниқлик киритилмаган.

Колизейга бир кунда 10-12 минг сайёҳ ташриф буюради. Шу боис қурилмадан уларни навбатма-навбат ўтказиш назарда тутилган.