Лондон марказида қолдириб кетилган автомобиль билан боғлиқ ҳодиса террористик таҳдид эмас, балки полиция томонидан бошқарилган портлашдир. Бу ҳақда 19 ноябрь куни Британия пойтахти полицияси тарқатган баёнотда сўз боради.

Воқеа Бейкер-стритда, шу номдаги метро станцияси яқинида содир бўлди. Йўл ўртасида чироқлари ёниб-ўчаётган ҳолда қолдириб кетилган автомобиль полицияни шубҳалантирди.
Ҳудуд зудлик билан ўраб олиниб, метро станцияси эвакуация қилинди. Салонга етиб олиш учун полиция назорат портлашини амалга ошириб кўрди, бироқ кейинги текширувлар полиция шубҳасининг асоссиз эканини тасдиқлади.

Шундан сўнг метро станцияси фаолияти қайта йўлга қўйилиб, яқин-атрофдаги йўллар очилди.
Эслатиб ўтамиз, 15 ноябрь куни Британия Ички ишлар вазири Тереза Мэй мамлакатда террористик актлар содир этилиши эҳтимоли юқори эканини маълум қилган эди. Шу муносабатда Британияда хавфсизлик чоралари кучайтирилган.