Лондонда 2015 йилнинг табиат манзаралари акс этган энг яхши фотосуратлари танланди

Жаҳон 20 Ноябрь 2015 9150

Шу йилнинг бошида Буюк Британияда босма нашрлар ходимларига мўлжалланган The Royal Society Publishing photography competition танлови эълон қилинган эди. Улар табиат манзаралари акс этган фотосуратлари билан бу танловда иштирок этишлари мумкин эди. Танловга профессионал сураткашлар, биологлар олимларнинг кўплаб фотосуратлари келди. Йил охирида ҳакамлар ҳайъати 10та энг яхши ишни танлаб олди.


1. Биринчи сурат германиялик фотограф Клаудия Погореуцга тегишли бўлиб, унда ўз атрофида майда балиқлардан йўлка ҳосил қилган ҳолда сузаётган риф наҳангини кўришимиз мумкин. Бу наҳанглар соатлаб мана шундай сокин сузиб, балиқларнинг ҳушёрлигини чалғитиши мумкин, сўнг улар тўсатдан ҳужум қилиб, ўлжага эга бўлади.


2. Кейинги сурат британиялик Ульрик Бауэр томонидан олинган. Унда Salvinia Molesta ўсимлиги (қирққулоқ) қайд қилинган. Қирққулоқнинг бу тури туксимон юзаси туфайли сувни бир жойга тўплай олади.


3. Германиялик фотограф Марта Роббинснинг ушбу ўзига хос ишида гориллаларнинг оилавий турмуш тарзи акс этган.


4. Бу эса Colpophyllia ғайритабиий маржони бўлиб, унинг ташқи юзасидаги бурмалар инсон миясини эслатиб юборади. Фото америкалик Эван Д’Алессандро томонидан олинган.


5. Ўйга толган бабуин ҳакамларга жуда ёқди, шу боис суратнинг ЖАРда истиқомат қилувчи муаллифи Давид Гаглио мукофотсиз қолмади.


6. “Балиқ бити” номи билан машҳур Argulus foliaceus паразитининг макросурати. Бу микроскопик қисқичбақа балиқ терисини тешиб ўтиб, уларнинг қонини сўради, бунда заҳарли шира ажратади. Муаллиф – Буюк Британия фуқароси Стив Гшмейсснер.


7. Италиялик Фабио Пупин асари. Қум ичида яширинган Африка митти илони.


8. Яна бир италиялик сураткаш Люк Антонио Марино эса капуцин улкан тош ёрдамида пальма ёнғоғини ёришга уринаётганини суратга олишга муваффақ бўлди.


9. Хосе Хуан Эрнандес Мартинес бу сурати учун махсус совринга эга бўлди. Chlamydotis undulata номли бу қушчани улкан тезлиги боис суратга олишнинг деярли иложи йўқ. Шу боис бир қарашда сифатсиз бўлган бу сурат ҳам мукофотга эга бўлди.


10. Асосий соврин эса кичикроқ ҳовуз тубидан қилинган ушбу суратга берилди. Унда кўплаб итбалиқлар қайд қилинди. Сурат муаллифи бельгиялик Берт Виллаертдир.

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 48791 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102248 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 48473 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52773 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9781 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20476 Ўзбекистон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1000 Жаҳон
Барселонадаги терактга алоқадор бўлган барча террорчилар йўқ қилинди
07:52 843 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 787 Спорт
Трампни руҳшуносга юбориш таклиф этилди
07:32 1844 Жаҳон
Кўпроқ янгиликлар