Жорий йилнинг октябри 1800 йилдан бошланган кузатувлар тарихида энг иссиғи бўлди. Ўтган ой барча октябрь ойларининг рекордини янгилади ва “нормал” глобал ҳароратдан энг катта оғишни намоён қилди.

Стандарт ҳисобланувчи бу ҳароратлар 1951 йилдан 1980 йилгача давр ичида қайд этилган. Маълумотлар ҳароратни узоқ муддатдан бери кузатиб борувчи NASA’нинг Годдард институти томонидан тўпланган.

Ўтган йилдаги қиш кузатувлар тарихидаги энг илиқ қишлардан бири бўлди. 2012 йил ҳам рекорд даражада илиқ бўлган, бироқ кўринишича, 2015 йил энг илиғи бўлади.

Экстремал ҳарорат саноат инқилобигача бўлгандагидан 4 марта кўпроқ учрайдиган ҳолат бўлмоқда ва йил сайин вазият қийин назорат қилинувчи бўлиб бормоқда.