Amin Invest International Ўзбекистон-Англия-Россия қўшма корхонаси жорий йилда Россия армиясига бир неча турдаги кийим-кечак етказиб беришни бошлайди. Бу ҳақда компания вакили Sputnik агентлигига хабар берди.

Унинг сўзларига қараганда, Россия ҳарбий идораси билан шартнома имзоланишидан олдин узоқ музокаралар олиб борилган, Россия вакиллари Ўзбекистондаги ишлаб чиқариш технологияларини ўрганиш учун ташриф буюрган.
“Компаниямиз маҳсулотининг 90 фоизини, бу эса 50 турдаги кимий-кечакдир, МДҲ давлатларига юборади, аммо асосий мижозлар Россия ва Украина бўлиб, у ерда махсус савдо уйлари ташкил этилган”, - таъкидлади агентликнинг суҳбатдоши.

Компаниянинг ишлаб чиқариш қувватлари Самарқанд вилоятининг Жомбой туманида жойлашган. Россия ҳарбийлари билан тузилган шартномада бу ҳам муҳим омил бўлган, негаки Самарқандда зарурий транспорт инфраструктура мавжудлиги боис логистика сезиларли даражада қулайдир. Асосийси эса – етказиладиган кийим-кечак бутунлай табиий матолардан тайёрланади, яъни ипак матога синтетика қўшилмайди.

Россия армиясига 500 минг футболкадан иборат дастлабки маҳсулотлар партияси аллақачон юборилган. Ҳозир компания 200 минг комплектдаги иссиқ ички кийимдан иборат иккинчи партияни ишлаб чиқариш билан шуғулланмоқда. Ноябрь охирига қадар ишлаб чиқариш якунига етиб, партия Россияга йўлланиши режалаштирилмоқда.