Марокаш ҳукумати Париж теракти ташкилотчиси, Абдулҳамид Абауднинг кичик акаси ҳибсга олингани ҳақида маълум қилди.

Рейтер нашри хабарига кўра, Яссин Абауд ўтган ойдан бери Марокашдаги қамоқхонада сақланмоқда.

Бироз олдинроқ, 18 ноябрь куни Абдулҳамид Абауднинг йўқ қилиш мақсадида Парижнинг Сен-Дени туманида ўтказилган амалиёт чоғида ўлдирилган жангарилар сони 3 нафар бўлгани хабар қилинганди.

Ушбу операция вақтида Парижда навбатдаги терактларни содир этишга ҳозирланаётган Абауд ўлдирилган, унинг ёнида бўлган 7 киши қўлга олинган.

13 ноябрь куни оқшомида террорчилар Парижда 7та нуқтада ўз мақсадларини амалга оширишди. Аввалига "Стад де Франс" стадиони яқинида портлаш, кейин Сена дарёси бўйидаги кафеларда ўт очилиши, ниҳоят "Батаклан" театрида одамларнинг қирғин қилиниши оқибатида 129 киши ҳалок бўлганди.

Жароҳатланиб, шифохонага ётқизилганлардан бири бугун жон берди.