Айни пайтда Россия ҳукумати ўлим жазосига нисбатан мораторий жорий қилинганини инобатга олган ҳолда ҳаракат қилади. Бу ҳақда Кремлнинг расмий вакили Дмитрий Песков фикр билдирди.

“Справедливая Россия” партияси етакчиси Сергей Миронов террорчилар ва уларнинг шерикларига нисбатан ўлим жазосини жорий этиш ҳақида таклиф билдирган эди. Песков бу фикрга ўз муносабатини билдириб ўтди.

“Бу шунчаки яқинда айтиб ўтилди. Биласизми, бу ўлим жазоси масаласи, у жуда мураккаб, баҳслар тугагани йўқ. Охир-оқибат, бизда мораторий ҳақидаги қарор амал қилмоқда. Мана шу мораторийдан келиб чиқиб иш кўрамиз”, - унинг сўзларини келтиради РИА Новости.