Turkiyaning «Antalyaspor» klubi prezidenti Gyultekin Genjyer jamoa Andrea Pirlodan tashqari braziliyalik Ronaldino bilan ham kelishuvga erishganini ta'kidlab o‘tdi.
«Biz Pirlo va uning agenti bilan muzokaralar olib bordik. U «Antalyaspor» uchun o‘ynashga tayyor bo‘lib turibdi».
«Shuningdek, biz Ronaldino va uning agenti bilan ham muzokaralarni davom ettirmoqdamiz. U ham jamoamiz uchun o‘ynashga tayyor».
«Biz ular bilan dastlabki kelishuvga erishdik. Moliyaviy ko‘mak topa olsak, savdo rasmiylashtiriladi», – deya ta'kidladi Genjyer.
Eslatib o‘tamiz, oldinroq Pirloning agenti mijozining turk klubi safida 8ta uchrashuvda ishtirok etishi uchun 2 million yevro talab qilishayotganini ma'lum qilgandi.