29 ноябрь куни Ҳиндистоннинг New-Dehli шаҳрида Осиё футбол конфедерацияси йилнинг энг яхшиларини аниқлайди.

ОФК энг яхшиларни аниқлаш учун дастлабки 10 нафар номзодни эълон қилган эди. Ушбу рўйхатда Ўзбекистон терма жамоаси аъзоси Сардор Рашидов номи ҳам қайд этилган эди.

ОФК энди сўнгги кураш учун уч номзодни танлаб олди. Бу рўйхатда Сардор Рашидов номи йўқ.

Йилнинг энг яхши футболчиси бўлиш учун Хитойдан Женг Жи, БААдан Умар Абдулраҳмон ва Аҳмад Халил номзодлари қолган.

Бироз олдинроқ, секин-аста “Ал Жайиш” сафида етакчилардан бирига айланиб бораётган маҳоратли футболчи 2015 йил якунларига кўра Осиёнинг энг яхши футболчиси деб топилиши мумкинлиги ҳақида хабарлар берилганди.