Тurkish Airlines авиакомпаниясининг вакили маълумотига кўра, компаниянинг 3 нафар ходими Мали пойтахтида жангарилар томонидан олинган меҳмонхона ичидан қочиб чиқишга муваффақ бўлган. Бу ҳақда Sky News Arabia нашри хабар тарқатган.

"Меҳмонхонада компаниямизнинг 7 нафар ходими бор эди. Улардан 3 нафари ҳозирда озод бўлган", деб тасдиқлайди Туркия ТИВ матбуот хизмати.

Рейтер нашрининг қайд этишича, айни вақтда ушбу ходимлар мустақил равишда қочиб чиққани ёки махсус хизматлар томонидан қутқариб олингани бўйича аниқ маълумот йўқ.

Бундан олдинроқ, 20 ноябрь куни тонгида Мали пойтахтидаги Radisson Blu меҳмонхонаси олдида портлаш ва отишма содир этилиб, меҳмонхонадаги 170 киши (шундан 140 нафари истиқоматчилар, 30 нафари ходимлар) асир қилингани ҳақида хабар берилганди.