Хитойлик миллардер Ван Янь ўз бойлигининг қарийб барчасини уйсиз итлар учун бошпана қуришга сарфлади, дея хабар бермоқда Metro. Бундан уч йил муқаддам “пўлат империяси”ни бошқарган тадбиркорнинг севимли кучуги йўқолиб қолади. “Мен уни ҳамма жойдан қидирдим, бироқ натижасиз тугади”, - деди ХХР фуқароси.

Ван Янь ўзининг севимли жониворини топа олмади. Шундан сўнг кучукларни қутқариш бўйича хусусий марказини очишга қарор қилди. Тадбиркор бунинг учун қаровсиз пўлат қуйиш заводи ҳудудида марказ қурилишини бошлаб юборди. Ҳозирга қадар Ван Янь итларни парвариш қилиш ва даволаш ишларига анчагина пулни сарфлаб юборди.
“Мен пулларни хайр-эҳсон учун қабул қилмайман.

Фақатгина бағрикенг инсонларнинг қанчадир миқдорда озиқ-овқат маҳсулотлари билан ёрдам беришига умид қиламан”, -деди у.
Айни пайтгача марказда мингга яқин уйсиз итлар яшади. Уларнинг кўпчилиги янги хўжайинларга эга бўлди ва ҳозирда бу ерда 200 жонивор парвариш қилинмоқда.