“Юлдузлар жанги” киноэпопеясининг еттинчи фильми олдиндан чипталар сотилиши бўйича рекорд ўрнатди, дея хабар бермоқда The Wall Street Journal. Премьерадан тўрт ҳафта олдинданоқ картина 50 миллион доллардан зиёд маблағ тўплади. Шу вақтга қадар ҳали ҳеч бир кинокартина олдиндан сотиш бўйича ушбу натижани қайд этмаган эди.
Экспертлар фикрига кўра, янги “Юлдузлар жанги” намойиш этиладиган ҳафтада кассабоплиги бўйича 208,8 миллион долларлик натижани қайд этган “Юра даври дунёси” фильмини ҳам ортда қолдиради. Бироқ картинанинг Янги йил арафасида, кинофильмлар ўртасида кучли рақобат кечадиган даврда намойиш этилаётгани маблағлар йиғиш бўйича рекорд ўрнатилмаслиги мумкинлигини англатмоқда. “Юра даври дунёси” фильми эса 2015 йилнинг 12 июль куни саҳнага чиққан эди.
“Юлдузлар жанги”нинг навбатдаги қисмини суратга олиш ишлари 2012 йилнинг 30 октябрь куни бошланган бўлиб, Lucasfilm ҳамда Walt Disney компаниялари ҳамкорлик қилмоқда.