Бельгияда кенг кўламли теракт содир бўлиши хавфи ҳақида огоҳлантиришлар янграшда давом этмоқда. Мамлакат бош вазири Шарль Мишель Миллий хавфсизлик кенгашидаги йиғилиш вақтида маълум қилган.

У мамлакатда террорчилик хавфи содир этилиши эҳтимоли ортганини таъкидлаган.

"Теракт нишонлари - савдо марказлари, жамоат транспортлари ва одамлар кўп тўпланадиган маросимлар бўлиши мумкин", дейди вазир.

Унинг қайд этишича, мамлакатда бир неча портлашлар амалга оширилиши бўйича режалар мавжудлиги ҳақидаги маълумот келиб тушган.

Бироз олдинроқ, Брюсселда террорчилик хавфининг энг юқори даражаси эълон қилинганди.